श्री संत विक्तूबाबा चा जन्म Viktubaba history

  **श्री विक्तूजीबाबांचा जन्म**

*संत विक्तूजी बाबांच्या जन्मापूर्वीचा इतिहास* Viktubaba History  

      

SUBCRIBE TO OUR YOUTUBE CHANNEL :   VIKTUCHI NAGRI

ALSO FOLLOW US ON  :        INSTAGRAM 

             

            साऱ्या विश्वभर संतांचे साम्राज्य पसरले आहें.  जगाचे रहाटगाडगे सुरळीत चालण्यासाठी म्हणून निसर्गाने संत माहात्म्यांना नेमून अखिल विश्वावर अनंत उपकार केलेत. भारताच्या भूमीवर तर संतांनी डेराच  टाकला आहे.

(श्री किसनदास बाबा हे श्री विक्तूजी बाबाच्या गुरुस्थानी होते)

                   संतांच्या इतिहासाचा पडताळा केला तर भारत भूमी हि संतांची कर्मभूमी आहे असे वाटू लागते. आणि त्यातही नवलाची गोष्ट म्हणजे या महाराष्ट्राला संतांची खाण  असलेली भूमी, संतांचे माहेरघर असा गौरव प्राप्त झाला आहे.  

                              हा बहुमान कशामुळे प्राप्त झाला ? कारण जगातील कुठल्याही स्थळाच्या तुलनेत एकट्या महाराष्ट्रात सर्वाधिक संत जन्मले अथवा वास्तव्याला राहिलेत आणि आपल्या पावन स्पर्शाने महाराष्ट्राच्या कणा - कणाला पुनीत केले.

              जगातील सर्व तीर्थांचे पावित्र्य महाराष्ट्राच्या भूमीला लाभले आहे. आणि अति पावन म्हणून गौरव प्राप्त झालेल्या याच पारंपरिक संत भूमीत एकोणिसाव्या शतकात श्री किसनदास बाबा वास्तव्याला होते.

**संत किसनदास बाबांची भविष्यवाणी **Kisandas Baba

एके समयी श्री किसनदासबाबा आपल्या भक्तासमवेत बैसले असता त्यांनी एक भविष्यवाणी केली. कोणती भविष्यवाणी केली?

                           संतांची हि भविष्यवाणी । कि येथे अवतरेल कैवल्यदानी ।

                           जी विराट शक्तीची जननी  । अन काळ दामिनी दुष्टांची ।।

                                 सज्जनांनो तुम्ही भाग्याचे धनी आहेत. या गावात Takalghat असा एक योगी करुणा अवतारी, कैवल्यबोधी, महात्मा अवतरित होणार आहे कि त्याच्या सारखा संत इतिहासात पूर्वी कधी झाला नाही. त्या संतांच्या भविष्यवाणी प्रमाणे चैत्र शुद्ध पंचमी सोमवार दिनांक १५ एप्रिल १९१८ साली श्री जानबाजी डांगरे यांच्या कुलदीपकाच्या रूपाने मातोश्री कवडाईच्या पोटी सकळांची कल्याणासाठी Viktubaba अवतरले.

      **संत विक्तूजी बाबांचा जन्म** Viktubaba Janm

                                १५ एप्रील १९१८ साली सोमवार या मंगल दिनी चैत्र शुद्ध पंचमीला Viktubabaचा जन्म झाला. असाधारण विभुत्यांचा जन्मही असाधारण पद्धतीचाच होत असतो. याचा पुरावा बाबानी दिला. बाबा जन्मताच एक नव्हे, दोन नव्हे, तर तब्बल सात दिवस योग साधनेत रममाण राहिले.    

                                ज्या प्रमाणे एखादा हटयोगी योग साधनेत रममाण असताना त्याला जशी अन्न पाण्याची गरज भासत नाही. त्याचप्रमाणे बाबानी सुद्धा सात दिवस पर्यंत दूध प्राशन केले नाही कि रडले नाही किंवा इतर बालकांप्रमाणे हालचालही केली नाही.

                                  योग्यांच्या लक्षणा विषयी बाबांच्या मातापित्यांना मुळीच ज्ञान नव्हते. त्यामुळे आपल्या बाळाला म्हणजे बालयोगी Viktubabaना अश्या अवस्थेत पाहून त्यांना रडूच कोसळले. अनेक वर्षानंतर कुळाचा कलंक मिटविणारा कुलदीपक झाला तर खरा पण या स्थितीला पाहून त्यांनी आकांत मांडला. बालयोगी Viktubabaनी त्यांची स्थिती जाणली अन सातव्या दिवशी सम्यक समाधीचा त्याग केला. व अश्याप्रकारे आपण जन्मजात योगी असल्याचे प्रमाण दाखवले.